انا المواطن جمال صبح (40 عام ) نزحت من بيت لاهيا في اول يوم من  أيام الحرب بتاريخ 7/10/2023 بعدين رحت على  معسكر جباليا في مركز إيواء مدرسة الفالوجة وشفت المجزرة الي صارت هناك وعدد الشهداء الكثير و عدد الجرحى  الكثير وشلت الأطفال المقطعين أشلاء ,  وبعد هاي المجزرة رموا المناشير علينا  وحكولنا لازم تخلو المنطقة و نروح على منطقة جنوب وادي غرة , بعد هاي  الحادثة طلعت أنا وعيلتي على دير البلح , وصراحة مكنتش متأقلم  مع الحياة هناك وحكيت بدي أرجع على داري احسنلي , ورجعت وانا بالشمال استخدموا علينا الحزامات النارية بشكل عنيف و قربو اليهود من المنطقة قررت اروح عند باقي أهلي .

و لما مريت من الممر الأمن تعرضت لأبشع أساليب الإهانة و المعاناة  طخوا جنب رجلينا و طخوا بالجو.

وكان بدي أعطى  ابني شوية مصاري بس الجندي حكالي" لو أعطيت ابنك المصاري رحح اطخك " وفقع ابني من الصياح  من كتر خوفه كنت بدي احضن ابني عشان اطمنو واهديه بس الجندي مرضيش. و أخدو مني كل المصاري وحرقو مصاريا وغراضي قدام عنيا   وبعد هيك حبسوني لمدة 30 يوم  مارسو عليا ابشع وسائل التعذيب و الضرب منها

• كان الاحتلال بعطيني 3 ارغفة اليوم مبتكفيش طفل صغير .
• ربطوني و ضربوني و كسرو منخوري و صار في عندي كسر في صدري و بطلت اسمع منيحح في داني الشمال و كسرو ايدي ولهلقيت ظهري مش قادر اعدلو..

كانو اليهود بياخدو اواعيا و اوعي باقي الاسرى وبغطسوهم بالميا وبخلونا نلبسهم و بعدين بدخلونا فى غرفة تكييف باردة وبخلونا نموت من السقعة.