انا من سكان منطقة بيت لاهيا طلعت في اول يوم حرب من داري و رحت على مدرسة الفالوجة وشفت المجزرة الي صارت هناك كان اغلبها أطفال كانو مقطعيين أشلاء شلتهم ب إديا , حكونا انو المدارس امان ومكنتش امان لما قصفو ساحة  المدرسة محذروناش  عشان هيك كان في كثير شهدا كانوا قادرين يحكونا انضبوا من الساحات بس هما كان بدهم يقتلونا , قتلو الدابة تبعتي كانت رزقتي و كنت شاريها ب1000 دينار قلبي تقطع عليها .

وشفت كمان قتل ولد قدام عنيا كان واقف على باب المدرسة رمت عليه الدبابة قذيفة شالت راسو من على جسموا اسمه محمد فارس صبح عمرو 15 سنة اهل محمد دفنوه بدون راسه بعد أسبوع لقو راسو فتحو على قبره وحطو راسه جنب جسمه