انا من سكان منطقة الشجاعية طلعنا من بيتنا ب 8/10/2023 تاني يوم حرب رحت على  بيت عمي في سوق الجمعة في نص الشجاعية ضلينا هناك 3 أيام بعدين حكوا شجاعية خطر و طبعا القصف بكل مكان رحنا طلعنا على منطقة النصر عند برج الإيطالي ضلينا هناك 4 أيام بعدها حكولنا لازم تخلو رحنا تمرمطنا تاني و رحنا على مدرسة في دير البلح والله مش ذاكرة اسمها قعدت فيها بس ساعتين راحو رمو مناشير علينا وحكولنا توجهو الي جنوب الواد هان انا انهرت وين بدنا نروح حكينا بدنا نطلع على دير البح وأكثر اشي أثر فيها لما طلعنا من تل الهوا لما تغلبنا لما قينا سيارة لانو أصحاب السيارات خايفة تطلع بعدين وقفنا سيارة ب 250 شيكل وطلعت خربانة وضلت تطلع علينا دخان كنا رح ننخنق , ونزلنا بعد معاناة من السيارة و رجعنا ودفعنا فلوس كمان مرة وبالاخر وصلنا الدير و بعدها بكم يوم عرفت انو داري انقصفت .

احنا 9 عائلات بالصف 66 نفر . عايشين بالحرب حياة القهر و البؤس ما في نظافة وما في ولا اشي منيح زي م انتي شايفة كفاية النومة على الأرض بنام زي الفسيخ مصفوفين جنب بعض و الشباب بنامو برا على باب الصف . أقصى شيء بتمناه أرجع على خيمة قدام داري مع جوزي و أولادي و ننام جنب بعض و مع بعض هاي بس امنيتي بعد مكنا عايشين بكرامة .