من اول يوم قصفوا  بيتي

والله سترنا وطلعنا باعجوبة

الله سترنا  شردنا على مدارس الايواء في معسكر جباليا

روحت  على مدرسة الفاخورة و  صار قصف على المنازل اللي حولينا وصار  في شهداء واصابات من الناس اللي داخل المدرسة

وفات علينا  شباب من الساحات بعدها  قصفوا المدرسة  كمان مره مباشرة فيها ورموا علينا غاز وفسفور وحرقوا الناس

استشهد ناس كتير واصابات والمرة الثالثة  قصفونا  قصف مباشر على روسنا مئات الشهداء ومئات الاصابات .

انا من الناس اجت  فيه شظيه وبنتي اتصاوبت وابني اتصاوب ونجينا  باعجوبه طلعنا من المدرسة

انتقلنا  على مدرسة ثانية وصاروا يرموا مناشير  اطلعوا  على الجنوب  والناس تروح  تشرد على الجنوب  بتلاقيش  أمان بالطريق

الناس يجيوا اخرفوا انهم شافوا  بعنيهم اشلاء الشهداء مرمين  بالطرقات  وجثث متحلله  ما في اسعافات حتى تنقلهم ولا ناس تدفنهم

يعني الاحتلال ابدع فينا ابدع ,ابدع بشكل غير طبيعي يعني كانه اللي قاعد قدامه مش بشر كانه احنا نمل  وبدهم  يجرفونا وبدهم يقصفونا يعني اشي لا يعقل من مره\

وين الدول العربية تتكلم .