بودكاست | أصوات من تحت الركام الشهادة الخامسة ( هجروني مرتين في حياتي )
اسمي فاطمة على محمود النجار
عمري 85 سنة
بدي احكي اللي شفته من أول عمري
أنا من الحليقات وطلعت على بيت طيما
بقيت بنت صغيرة
وميلونا ويريحونا في البلاد
من بيت طيما للجيه لبربرة لنعليا ولهربيا
كنت صغيرة وبقدر امشي
بس الان أنا هاي ثاني مرة اهاجر
وطلعت على أساس في كرات وطلع ما في كرات
مشيت على رجلي الناس يساعدوني
وانا مرة كبيرة عمري 85 سنه
الناس يساعدوني يحطولي شنطات تحتي حتى اركب
حتى اقعد وارتاح
ويحملوني من تحت ذراعي
لوصلنا الكاره
اركبنا ركبونا اشوي وعاودنا مشينا وانا تعبانة
اولادي يسحبوا في
معي عكاكيز انا بمشي على عكاكيز
اتعبت في الطريق
مش حابه انضل مهاجرين
بدنا نرجع لوطنا لدورنا لبلدنا
مش مرتاحة في المكان هذا
انا تعبانة
ظهري في غضروف وعندي ضغط وسكري
وتعبانة انا تعبانة
بدي تروحوني على بلدي
في مكاني اعيش فيه وارتاح في
مفيش راحة لا في حمام ولا في تغسيل ولا غيار ولا في اشي
تعبانة لأخر لحظة
طول النهار قاعد اتمنى ارجع على دارنا ارجع على بلدنا