أنا المواطنة سهير أبو عمر

من بني سهيلا بالقرب من مدرسة معن

كنا في بيوتنا قاعدين في الليل عملوا علينا حزام ناري

 ما اخليناش إحنا الساعة 8 تقريبا قصفوا عنا بيت لأل الردب  من خمس طوابق

 لما شفنا  القصف هذا  صار علينا  حزام ناري

 مفشي كان مخلي البيت كانوا  كليتهم شاردين على المدارس وسايبين (تاركين ) البيت يعني  من فترة

 ، بس احنا مكناش خالين جنبهم  يعني عملوا علينا حزام ناري ،

 الحزام الناري هذا  يعني صعب جدا مبقدرش تتحركي فيه

 من كل جهة القذائف والمدفعية مع الطيران كل الدنيا كانت  نار  حولينا

  مقدرناش يعني دوبنا الحقنا اقرب مكان الينا اللي هو  المدرسة 

 توجهنا احنا قال المدرسة معن  مهي تابعة للوكالة

 توجهنا للمدرسة كحماية النا فجأة ضربونا الساعة 7 الصبح صاروخ 

اتصاوبوا فيها بيجي فيها 80 اصابة شهيد مع جرحى

 انا انصبت في رجلي وابني انصاب في الفخذه تبعته  وابني الثاني انصاب في رجلة 
هذا كان في 5 /12 ، 5/12 عملوا مجزرة في مدرسة معن

صاروخ واحد بدون تحذير وبدون اي سابق انذار واحنا واقفين الصبح

 يعني الصبح بدنا نرجع على دورنا كنا متوقعين نرجع 

هان صار اللي صار

مع انه الوكالة يعني  قالوا منطقة محمية

لكن ما في  يعني  لا كانوا خايفين من الوكالة ولا معترفين في حدا 

بدهم يعملوا فينا ابادة جماعية بس مش اكثر .