انا معتصم محمد المدهون  من سكان شمال قطاع غزة معسكر جباليا عمري 35

 نزحنا بعد ابلاغ جيش الاحتلال مناطق شمال قطاع غزة بالنزوح للجنوب نزحنا

اوصلت هان في تاريخ 15-10 2023 يعني  تقريبا بعد الحرب ب10 ايام ، والله الوضع صعب 

صعب جدا يعني في توفير الطعام في الاغطية في اللبس في المطر في كل حاجة صعب جدا يعني  

احنا اتأقلمنا على اشياء معينة هذه أبسط حق للإنسان يعني  أكون عايش في بيت 

وجينا هان على بلاد لا في يعني  فراش ولا حمامات ولا نظافة ولا مياة  يعني  عانينا  كثير من موضوع المياة في البداية 

 يعني أبسط  الحقوق مش موجودة ، يوم الخميس بتاريخ 4 -1 وصلت السوق بدي شوية خضار للبيت وانا في داخل مركز الايواء داخله تعرضت البنت لاطلاق نار

عيار  ناري اخترق جسمها من الخلف واستقر في منطقة  ثانية اخذتها على المستشفى وقعدت تقريبا 4-5  ايام لما  طلعت

بس يعني انه  هذا  المكان مفروض يكون أمن حسب تعليمات الجيش او حسب التعليمات التي وصلتني  انه هذا المكان أمن

انا نزحت من  شمال معسكر جباليا عشان احمي اطفالي يعني هان اذا كان داخل مركز الايواء داخل المركز ما في امان

الطلق مرق من هان واستقر تحت لوح الكتف من هان البنت طبعاً يعني الله لا يذوقها لحدا

البنت  يعني صراخ يعني أي أب يتخيل حاله مكاني ابنك في ايدك ويتصاوب صارت اتصرخ اه يا ظهري اه يا ظهري ظهري بوجعني 

انا بفكرش انه يعني إصابة ، مالك في حد خبطك ، لا صراخها يعني عالي كتير ، حطيت ايدي هان  بفتح على من  قبة البلوزرة لقيت كل ظهرها دم وشفت مدخل الطلق

قعدت 4 ايام في المستشفى خضعت لعملية جراحية صعبة جداً كانت لأنه الطلق كان مستقر في اللوح الكتفي في القفص الصدري

 طبعاً ستر ربنا هو اللي سهل الامر ولا كان  إصابة زي هذه كان بتكون عواقبها أكبر من هيك بكثير لكن رحمة ربك واسعة

طبعا البنت حاليا ما بتحركش ايدها لفترة معينة يعني، بتحركها بس من الكوع بس من فوق لا حسب العملية لانه تم جراحتها من الأمام

يعني فش أمان للعلم هذه ليست المرة الاولى هذه إصابة و في قبلها دخل عليه  طلق في الخيمة عيار 250 وموجود بطل يعني  بطل في منطقة آمنة عندك

تروح على رفح او المواصي او اي مكان يعني نفس الشغلة اللي صار معانا لما نزحنا من الشمال لهان وبعد فترة يعني بطل في أمان

وراح ننزح غاد ويبطل في أمان نفس القصة اللهم انه يعني بتكرر

 احنا ناس مدنين لا علاقة لنا بالحرب التي بتصير ، احنا ناس مدنين لا أذينا بالعكس احنا اتأذينا

يعني وقف الحرب قليل على الدمار الللي صار لسا هان بنعيش معاناة ورح نعيش معاناة اكبر احنا عارفين الكلام هذا

ولكن معاناة بدون خوف على الاطفال ايش دخل طفل عمرة 7 سنوات طفلة مثل هذه طلق عيار 250 يدخل جسمها ايش ايش فيها هذة الطفلة

ايش جسمها ايش في قدرة يتحمل هيك ايش دخل الاطفال بديش اقلك المدنين ايش دخل الاطفال يعني مش عارف .