بودكاست | أصوات من تحت الركام الشهادة الخامسة عشرة ( عايش؟ ميت؟ بعرفش عنه اشي)

Content Cover

أنا اسمي فريال محمود النجار، من معسكر جباليا

نزحت على كلية التدريب في خانيونس إلنا تقريبا ثلاث شهور أنا وجوزي وولادي

تركت أهلي وراي في معسكر جباليا بعرفش إشي عنهم

انقطعت الاتصالات كنت أكلمهم يعني وأطمن عليهم

كان دائماً عندهم قصف وموت ودمار كتير 
و الآن أنا بعرفش عنهم إشي.

إلي إخوه اثنين متطوعين في الهلال الأحمر دوار زمو

كانوا مداومين في الأول على حسب الأحداث الكثيرة في عيادة الوكالة

من كثر الأحداث ما كانوا يقدروا يوصلوا دوار زمو فتحولهم العيادة في معسكر جباليا.

في العيادة تاعت الوكالة صاروا يسعفوا الجرحى والشهداء هناك وبعدين من كثر الأحداث التي صارت أخذوهم على دوار زمو حطوهم

 اعتقلوهم اليهود
أجو اليهود عليهم اعتقلوهم إلي أخوه اثنين هاني محمود وادي ومحمد محمود وادي

واحد اخذوا في نفس اليوم روحو، الثاني إلو تقريباً لا يقل عن شهر.

اعتقلوه اليهود من عمله بنعرفش ليش أخذوا اسمه هاني محمود وادي أخذوه اعتقلوه 

وإلو فترة ما بنعرف عنه شيء
ليش أخذوه ايش عملوا فيه

هو مصاب هو قتلوه هو ايش فيه ما بنعرف عنه اشي صراحة

بس آخر الأخبار يعني إنه في سجن عوفر محطوط بس ايش هو الآن و لا خبر بودي ولا خبر  بجيب عنهم.

أنا الآن بطالب أعرف أخوي وين؟

في أي سجن ايش عملوا فيه؟ ايش صار معاه؟ 

هل هو عايش؟ ميت؟ بعرفش عنه شيء صراحة

بطالب يعني إنه الناس تعرفلي، المسؤولين عنهم يسألوا يعرفولنا  ايش صار معاه؟ 

اعتقلوه من دوار زمو وهو في الهلال الأحمر الاحمر تاع دوار زمو.

٣٨ سنه عنده ولدين وبنتين هو في الأصل كمان يعني سواق سيارة لا إلو في أي فصيل ولا في أي حاجة

ما إلو في الدنيا، بسعى بس في عمله.
ليش أخذوه والله ما بنعرف!

يعني حتى الإتصال اللي كان بينا وبين أهالينا انقطع. 

ما بعرف عنهم أي شيء أبدا.

أنا يعني وحدة من الناس ما بعرف عنه شيء يومياً بحلم فيهم الصراحة بنام بحلم فيهم وبصحى بحلم فيهم. 

مش عارف عنهم أي حاجة يعني هل هم طيبين هم ايش ما بعرف عنهم أي شيء

بودكاست | أصوات من تحت الركام الشهادة الخامسة عشرة ( عايش؟ ميت؟ بعرفش عنه اشي)...