اسمي نور صالح

 نزحت من بيت حانون لخانيونس في كلية الصناعة

عدد أفرادنا ولد وبنت وأنا وزوجي

طلعنا من بين حانون طبعاً كان الطخ فوق روسنا وهربنا يعني دوبنا طلعنا بأواعينا

جيت على أهلي وانا وأهلي جينا على خانيونس

بنعيش أجواء كتير كتير يعني صعبة، خاصة يلي معو طفل مريض ويلي معو أطفال بعاني بشكل مش طبيعي

وخصوصي الحمامات وخصوصي الأكل والشرب وخصوصي الرمل

 طول نهارهم يعني على الرمل كلو مايكروبات وجراثيم

 جوري معها زيادة كهرباء، معها تشنجات كتيرة يعني أقوى أنواع الكهرباء يلي معها

 بتوقع دائماً على وجهها لازم نضل ماسكينها

تغرزت تقريباً عشر مرات في وجهها وفي رأسها وبدها دائماً علاج مستمر 

نقص عليها العلاج هون ف ضلت توقع وتتشنج

هي بتقلب عنيها لفوق وبتوقع على وجهها مباشرة يعني ما بتقدري تمسكيها لو بدك تمسكيها صدفة 

يعني بتقعد بتصحصح بس إذا ما مسكتيها بتوقع على وجهها على ذقنها وهذا كله  يعني بسيل دم 

بحاول إني أمسكها يعني مجرد ما الآحظ عليها بمسكها وبقعدها

أحياناً ما بكون منتبهة إلها بعمل بشغله بلاقيها واقعة على وجهها

هي بتشرب علاج     DEPAKINE  و KEPPRA  وSETANORM  

   بس علاج ال  KEPPRA متوفر هون في الوكالة

بس ال  SETANORM  مش لاقينه هون بكل خانيونس

بنشتريه من صيدليات إحنا وصيدليات ما في
لازم الدوا يكون موجود لأنو علاج واحد ما بكفيها

 هدول العلاجين يعني إلها أكتر من 3 سنوات وهي بتشربهم يوم يوم صباحاً ومساءً

بطالب تحويلة إلها بأسرع وقت لأنو إلها 5 سنين بتشرب علاجات وعلى الفاضي

هاد بس ايش العلاجات يلي بتشربها؟ مسكنات يعني بحسها مش معالجه إنها بتعالجها