أنا إسمي فتحية عدنان محمد كباجة  
 
عمري ٢٨ سنة عندي ٤ أطفال 

عندي ٢ أطفال معهم مرض قصور خمول في الغدة الدرقية

عمر أيمن ١١ سنة وريما ٦ سنوات 

العلاج مش متوفر عندهم 

كان الهم تحليل بشهر ٧ وعملنا كان عندهم واحد نازل وواحد عالي 

المفروض يكون التحليل بشهر ١٠ 

بوضع الحرب اللي احنا وصلنالوا ما قدرنا نعمللهم التحاليل 

وهيك احتجنا تحاليل دورية 

المرض هذا مزمن لمدى الحياة 
 
بيحتاج إلى علاج بيحتاج لتحاليل لرعاية طبية كاملة 

فش مش موجود لا علاج ولا تحاليل طبية 

ووضعهم أنا ما بعرف عنو شيء لحد الآن 

بعطيهم العلاج يوم بيوم

بس إنوالعلاج ما بعرف إيش فايدتو إيش وضعو إيش وضع الأولاد صحياً 

هل هو العلاج ماشي معهم صح غلط لازم أنزل الجرعة لازم أزود الجرعة زي ما كنت أعمل قبل 

الولاد هالوقت المهم يكون في نقطة طبية نتابع فيها 

بوجود الحرب والجيش وإنو إحنا محاصرين في خانيونس 

والمستشفى اللي كنت أتابع فيها تل شومير في غزة  

بحكم الوضع القائم ما بقدر أتابع وضعهم الصحي  

بحتاج للتحاليل بحتاج للعلاج بحتاج لدكتور خاص هو كان يتابع معهم بالبداية هو يكمل معاهم 

الوضع عندنا سيء جداً جداً يعني ما بنقدر لا نطلع لا ننزل احنا محاصرين 

العلاج مش موجود تحاليل مش موجودة

أنا وإبني الصغير بدنا علاج برضو مش قادرين نكمل 

بدأنا في بس مش قادرين نكمل لأن النقاط الطبية مش كلها شغالة 

المستشفيات مش كلها بتشتغل بحكم الوضع برضو اللي احنا بنمر في 

الوضع سيء جداً جداً جداً بقدرش أنا أوصفه 

بحال أنا كأم بدي علاج لولادي بدي أعمل تحاليل لولادي 

بدي أتطمن على صحة ولادي فش مكان أقدر أتابع في 

الوضع قد ما نحكي صعب قد ما نضل نحكي متعب جداً 

الحياة هان صعبة كتير 

أنا عندي ٢ مرضى بمكان زي هيك مش صحي 

الوضع هان سيء كتير كتير كتير ما بينوصف ما بينوصف قد ما قدرت أحكي 

الطرق صعبة جداً ما بنقدر ننتقل لا في مواصلات لا في طريق مفتوحة 

احنا محاصرين قاعدين بمكان النقطة الطبية الموجودة مش موفرالنا اللي بدنا ياه  

مش قادرة تعطينا الإمدادات اللي احنا محتاجينها لابعلاج اللي هم بياخدوه ولا تحاليلهم     

ولا توفير اللي أنا بطلبه لولادي إلي  ولولادي موجود العلاج ولا التحاليل 

وما بنقدر نمارس العلاج تبعهم 

أنا لو بدي أودي ولادي على مستشفى ما بقدروا يفهموا العلاج تبعهم إيش بدهم 

لأن مش الدكتور اللي تابع معاهم 

مشكلتهم الصحية مع دكتور معين كانت من البداية

هاد المرض مزمن اللي اكتشفه وضليت أتابع معاه 

وهاي العيادة كانت في غزة هي عيادة تل شومير    

احنا طلعنا من غزة ما قدرنا نرجع بحكم إن الطريق سكرت