رامي 28

ضياء عريس جديد مالوش تقريباً 6شهور 

 

وتم استهدافه هو وأولاد عمي 

 

ملناش بحد  بني آدم من الشغل للدار ومن الدار للشغل 

 

والله كان مباشر القصف كان مباشر وهو نايم 

 

هم كلهم كانوا نايمين واجاهم الصاروخ أكلوها و٧شهداء راح

 

من ضمنهم زوجته ومالوش ٦شهور متزوج  

 

واستشهدت زوجته

 

الحالة الصحية صعبة وبدو زراعة عظم وعنده جرحه غميق يعني 

 

النا تقريباً من ٦/١٢ ٧/١٢ الجرح ما لحمش زي ما هو الجرح 

 

متطلباته ان شاء الله يتعالج بس  بدي ياه يطلع يتعالج 

غير هيك ما بدي 

 

أنا بس يطلع من هنا يتعالج برا وخلص يطلع من هنا أفضل 

 

لأن ما في أجهزة وما في إمكانيات 

 

بس بنزلوا على العمليات غيار جرح ونطلعه تاني 

 

العظم زي ما هو لا بقدم ولا بأخر 

 

أنا مانع الأهل يجو كمان انو يشوفوا ما يعيطوا

 

وهو كمان نفسه يشوفهم (الأهل) بس أنا مانعهم 

 

لأن لو بده يجيب الوالده هنا رح تصير تبكي 

 

جبتها مرتين ثلاثة بعد هيك ما جبتهاش 

 

هو لو يشوفها بنبسط وما بحكي بضل ساكت 

 

نفسيته تعبانه خالص بحكيش 

 

لو بده يحكي ايش يحكي بحكيش أصلاً 

 

بحكي بدي أعمل شي بدي شي بس 

 

بقولي أحياناً متى بدي أطلع وأسافر 

 

ومتى بدي أتعالج وأوقف على رجلي ومتى أروح الحمام 

متى بدي أروح 

 

النفسية تعبانة جداً وأحياناً بحس انو بده يبكي من جواته