بودكاست | أصوات من تحت الركام الشهادة الخامسة والثلاثون (كل يوم الصبح لازم الجنود يضربونا)
أنا أسامة فوزي يوسف عودة
من الزيتون
إحنا لحد ما أخذونا ودونا ع بيت
في منطقة زيتون على السكة
هذا البيت لواحد تاجر
تاجر سمانة يعني تجارة عامة
فدخلونا عيوننا معصبة
و مكلبشين إيدينا طبعاً
فاهم إنت كيف
ف دخلونا اليهود و خلونا نقعد كل واحد ع ركبه ع الأرض
صاروا يفتحوا أكياس الأرز و يرموها
دبابيس بتغز فيك دبابيس دبابيس
خلوا أجرينا هان بقع بقع هيك الجروح صارت
كل رجليّا .. كل رجليّا بقع بقع
ييجوا الجنود علينا وأنت قاعد ع ركبك
تلاقيه يخبطك في ظهرك
يخبطك وين ما كان يخبطك
إحنا معصبين بس بنسمع الكلام
يسحبوهم هذول يوخذوهم وين يوخذوهم بعرفش
بدهم إياهم
يأخذوا اللي بدهم إياه
كل يوم كل يوم كل يوم كل يوم
لازم الصبحيات علقة
لازم يضربك
الظهريات لازم يضربك
قبل العشاء بالزبط لازم يضربك
و نوم فش نوم
نوم فش نوم
سبعة أيام و لّا ثمانية أيام
ما فش نوم
نوم ما فش
في الدار اللي إحنا قاعدين فيها
و حاطين دباباتهم
جرفوها ساير ما أروح
صارت الدار
توقف تحت ما تشوفش اللي بقلب الدار
عملوها موقع للدبابات
إجوا أخذوا من هالشباب
ينقي واحد
يعد إنت قوم إنت قوم إنت قوم
ووروهم وين ؟
تحت
عند الدبابات
هلقيت رمي يرموهم .. رمي يرموهم
رموا حوالي عشرين واحد
هلقيت وراك إنت في دبابات وفي جرافات
في جرافة
رافعة سكينتها و في بقلبها رمل
هلقيت أنت واقف هون
و رجليك هون
و هاي البناية
قول جنب البناية
والشباب ارتموا هون
هالقيت بدك تروح هيك بتروح على ايش
على الجرافة
الجرافة حاملة السكينة فيها رمل
بتدير عليك الرمل بتقتلك
بتروح عند الجنود بخبطوك
يعني بهدلوهم
أنا قلت لأخوي جنبي
قولتله هدول خلص انعدموا
الدور علينا جاي
إحنا جايبينا هون يعدمونا
من الآخر
بعد نص ساعة .. أكثر من نص ساعة
طلعوهم ايش؟ شرايط
شرايط
زحف بزحفوا
قعدنا غاد تقريباً ثمن أيام تسع أيام
و الضرب شغال علينا
أنا شافني
مربط زي هيك
مش قادر
بذقن هيك
قلك هاد زلمة كبير
زي ما فكوا أخويا فكوني
إحنا الاثنين فكونا
ربطني هيك خلاني هيك
لقيتني بتنفس
أقل حاجة
فيها وسع
رحت ايش عمل؟
لعبت في ايش؟ في سني و أنا مغمى
في اللي رابطينها فيي
إلّا شافني واحد
و يجيني
و يضربني وين
في البوسطار
في صفحتي (أسفل الظهر) في صفحتي
ارتميت ع الأرض وقعدت
قلي حخليك تتمنى الموت ما تشوفه
صحصت شوية
إلا هو إجى
فكني حط إيديا وراي و شد عليي
بعد شوي
إلا طلع ع صدري في البوسطار
كسّر ريش صدري هذول
هذول ريش صدري مكسرين
بعديها
خبطوني وين؟
ع إيدي
جاب سلك هذه اللي دمرتني
رفيع رفيع رفيع
شو بدي أقولك رفيع بس قوي
ربط أصابعي زي هيك
و ربطهم من هان
هالقيت لما حطلك السلك هان
الدم ما بوصل ع أصابعك
بيوقف الدم
فش .. سلك
من هان و أصابيعك
فش .. فش مجال
مش قادر أتحمل
مش قادر أتحمل
كل ما تشد ع السلك بيشد عليك
هاد كان آخر يوم
وبحمد الله إنو كان آخر يوم