بودكاست | أصوات من تحت الركام الشهادة السابعة والثلاثون (طلعوني من تحت الأنقاض بصعوبة)
أماني الكفارنة
أم لخمسة أطفال خرجت من تحت الأنقاض بأعجوبة
اتصاوبت طلعوني من تحت الأنقاض بأعجوبة
يعني من كثر ما هي يعني العمارة واقعة علينا
بأعجوبة يعني
لمنّ طلعت يعني
مين ما شافني كانوا يقولوا هذه ميتة يعني
كنا يعني بعداد الأموات
أنا زوجي مات خنق تحت الردم
أنا إصابتي كلها إجت برأسي
في عندي هان أربعين غرزة
وبوجهي وعيني هان
أنا اتصاوبت فقدت نظري
عندي حاسة البصر بالمرّة
فقدته نهائي
الشبكية ضاربة
والأعصاب ضاربة عندي
أخذوني من تحت الركام
ودوني ع المستشفى الأندونيسي
الأندونيسي عملولي اللازم في رأسي
يعني من غرز في وجهي
وبعدين حولوني ع الشفاء
من الشفاء حولوني ع العيون
لأنه كل الإشي اللي عندي صار بعيني
بعد ما رحت ع العيون قعدت ثمانية أيام
مش متوفر عنا في كان ولا حاجة
يعني سوى المحلول والمهدئات والمراهم
يعني فش اشي يسوولي إياه
لا عمليات ولا اشي اللي ينقذوني فيها
بعد هيك رحت على مدرسة السوارحة في النصيرات
كانوا أهل زوجي متواجدين معهم أولادي
عندي خمس بنات وثلث أولاد
أبوهم استشهد
وما في إلهم معيل
وأنا متصاوبة كنت كثر تعبانة
روحت من المستشفى كثير كنت تعبانة يعني
ما أقدر أعيل أولادي بأي ظرف من الظروف يعني
يعني كنت كثير تعبانة ودايماً مرميّة في الفراش
أنا بيصير معي حالياً كهرباء في رأسي
بيصير عندي شدّة في الأعصاب
بإيدي ، في إجري
الشقة هاي كله بيصير عندي تلف في الأعصاب عندي
بتلقى علاج الإبر المسكنات
عايشة على هيك
عيني كثير تبقى توجعني
بعرفش ايش أساوي
بروح ع المستشفيات بيقولولي ملكيش عنا علاج
يعني الوضع كله صعب على الجميع
يعني إحنا عايشين في مخيمات
يلا يلا لما بيجينا الإشي بصعوبة
لما بيجيكي الأكل والشرب
يعني أول مرة يعني من ست شهور نجيب جاجة يعني
أجتنا من متبرع
بناشد أي حدا يقدر يساعدني
إني أنا أطلع أشوف وضع عيني هذه
ما بشوف إلّا بعين واحدة
لو صار أي حدث في عيني الثانية
أنا عندي ثمانية أطفال كيف بدي أشوفهم كيف بدي أساعدهم