بودكاست | أصوات من تحت الركام الشهادة الثانية والأربعون (كثير أطفال تيتمت في غزة، أنا ما بدي أكون زيهم يتيم)
أنس مطير أبو هولي
15 سنة
أنا يوم ما انسحبوا اليهود طلعت أنا وثلاث أولاد من جيلي
طلعنا نشوف الدمار يلي صار شرق عندنا في الدور
إلا بنتفاجئ إلا بقذيفة مطيرتنا
أنا تصاوبت في إجري وفي بطني
وواحد تصاوب في رأسه
وواحد تصاوب تحت عند العمود الفقري
وكان في كمان واحد شرقنا بشوي بدور على أغراضه يطلعهم من الدار
إلا وهبت فيه جرة غاز بعد ما كانت مخلصه
وظربتهم قذيفة
هبت فيه جرة الغاز
ومات حرق
إلا ما في زنانات فوق في الجو
وشايفيينا وإحنا بنتفرج على الدور
وشايفيينا وإحنا بنطلع أغراض من الدور
تصاوبت هذه الإصابة إنت شفت في إجري
والإصابة يلي في بطني
ومش قادر أمشي عليهم طبعاً
ما قادر اتحرك
بستنى عمليتي بكرا
في أطفال بموتوا أجنه في بطون أمهاتهم
ما بنقدر نلعب كورة
الردم والحجارة في كل مكان
أكيد لازم أرجع ألعب كورة
بإذن الله برجع ألعب كورة
بإذن الله
إني تطلعلي تحويلة
واتعالج برة
وآخذ أهلي على ما تخلص الحرب ونرجع لغزة
أنا ما بقول نهاجر للأبد
أنا بدي أرجع لغزة بعد ما يصير
الهدنه ويوقف العدوان الإسرائيلي عن أهل غزة
بإذن الله
علشان ما بدي يكون في أي سيناريو
مثل يلي صار في العائلات يلي ماتت
والأطفال يلي تيتموا
أنا ما بدي أكون زيهم يتيم
هذا يلي بدي ياه