رمزي أحمد عدنان رشيد

 

١٩ سنة

سكان حمد – " صدى غرب "

 

أنا تعرضت لقصف صهيوني أنا والوالد في تاريخ ١٦-٣-٢٠٢٤

 

قبل فترة إحنا كنا عايشين في البيت يعني

وطلعنا صار قصف في المنطقة وطلعنا

رجعت بدي آخذ يعني إلنا شوية أغراض

إلنا خيمة يعني كنت بدي أطلعها

فبتجه يعني أنا والوالد إلى البيت

تعرضنا لاستهداف صهيوني

صاروخ زنانة استطلاع

الوالد استشهد

وأنا اتصاوبت

إصابتي هاي عبارة عن شظايا

صار معي بتر في الرجل

ونزيف في الأمعاء طبعاً

عملولي عملية جراحية

لما جيت وطبعاً شظايا في الإيدتين وغرز

 

كيف حالتك الصحية الآن؟ في تحسن إن شاء الله؟

 

الحمد لله ع كل حال يعني

وفي آلام يعني

ولسا بدها شوية وقت حاسها

 

 

القصف نتج عنها استشهاد والدك و إصابتك أنت ؟

 

صحيح استشهد والدي وقعدت ست ساعات وأنا بنزف

وما في أي حد يعني يطلعني من المكان اللي أنا فيه

لحد ما ربنا بعت جارنا يعني كان مارق صدفة في الطريق

وأسعفني

 

 

طيب شو أبسط متطلباتك الآن ؟

 

إني أرجع زي ما كنت

يعني إنسان أمشي بس

بدل ما أنا عاجز هيك

بس

 

يعني أنا كل اللي طالبه بس

أصير زيي زي أي شب

أرجع زي ما كنت

يركبولي طرف صناعي

أرجع أمشي يعني

هيك تكمل الحياة ع القليل زي ما كانت يعني

بس مش طالب إشي تاني