آمنة إسماعيل أبو طير 

 

اللي صار إنّه سمعنا ضربة الساعة 2 بالليل 

 

بعد شوي إلّا واحد بينادي بيقول

 

 يا زكريا 

 

زكريا 

 

طلعنا 

 

ايش في ؟

 

قال دار أختك انقصفت 

 

يلا نطلع الشهداء والجثث من هناك  

 

بنتي وابن بنتي وبنت بنتي ونسيبي 

 

كلهم كانوا نايمين 

 

الساعة 2

الناس وين بدها تكون

 طبعاً نايمة 

 

وأنا كنت صاحية شوي قلقانة شوي

 

هيك من صوت الزنانة ومن صوت الطيرات

 

قاعدة

 

مع الساعة 2 إلّا خمسة 

 

بالزبط

 

صارت الضربة 

 

قلنا هذه خلص بعيدة

 

 لأنه الصوت مكانش قوي

 

 زي كل الصواريخ اللي كانت تيجي 

 

صواريخ ال اف 16 اللي كانت قوية 

 

هذه صوتها يعني ضعيف هيك 

 

بعد خمس دقائق إلّا واحد بينادي 

 

من ع الباب بيقولونا تعالوا 

 

دار بنتكم وقعت 

 

والشهداء تحتها 

 

رحنا نجري و الحمد لله 

 

شفنا اللي شفناه 

 

 ويجعل لا حد يشوف 

 

 اللي شفناه 

 

الحمد لله