فايز أحمد حسن نوفل 

 

45

 

قصفوا شقه عنا في العمارة 

 

في إلي ولد استشهد عمره ١١ سنة اسمه فايق 

 

كان وضعه صعب جداً

 

ثلث كسور في الجمجمة عنده 

 

وكان عنده نزيف دماغي 

 

كنت شايفهم أنا وهم يستشهدوا 

 

استشهدوا قدامي 

 

هم طلبوا مني أجبلهم بسكوت 

 

طلعت ع السوق 

 

وشريت أغراض للبيت 

 

وجبت إلهم بسكوت 

 

وأنا ماشي 

 

في عنا شارع مسكر 

 

الطريق مسكرة يعني 

 

شايفهم قدام عيني وهمي بيلعبوا ع باب العمارة

 

إلّا أنا سمعت صوت تصفير الصاروخ جامد 

 

انبطحت ع الأرض هيك 

 

وتطلعت ع أولادي 

 

صار االإنفجار قوي 

 

صاروخين 

 

بتطلع إلّا هو ما في أولاد لا بتحركوا 

 

ولا حدا بتحرك بالحارة

 

جيت جراي زي هيك 

 

لقيت يعني الشهداء كثير 

 

نازلين من الطابق الثالث حتى من الشقة المستهدفة 

 

كلهم ع الأرض

 

بتطلع ع أولادي مش لاقيهم 

 

يعني حتى الولد المستشهد 

 

اللي هو فايق اسمه 

 

تفاجأت فيه 

 

حتى شفته أنا قلبته بإيدي 

 

لقيته كله دم حتى كذبت نفسي 

 

أنا كذبت نفسي 

 

للأمانة يعني ما صدقت 

 

يعني بقول هذا مش ابني 

 

فصرت أقول هذا مش ابني 

 

لكن في الآخر 

 

ما صمدت

 

قلت لا هذا ابني 

 

وصرت ألطم 

 

انجنيت 

 

هو أحلى ولد في الأولاد كان 

 

يوسف أنا مقدم له تحويلة 

 

هسا بده يتعالج برّة لأنه هون ما في علاج 

 

ما في علاج بالمرّة للأمانة يعني 

 

ما في أدنى مقومات العلاج 

 

لو بدي أعمله علاج طبيعي 

 

ما في أي مراكز اليوم في غزة يعملوا علاج طبيعي 

 

وإنت شايفة النزوح من مكان لمكان 

 

وقصف من مكان لمكان 

 

ما بقدر أتنقل فيه 

 

في طفل زي هذا 

 

لا مواصلات 

 

حتصعب فيها 

 

يعني وأخوه بنام عنده 

 

بتيجي أمه الظهر 

 

أنا باجي الصبح 

 

يعني تشحتطنا للأمانة 

 

و الحمد لله رب العالمين 

 

منيح اللي ربنا طلعه وشفاه 

 

والله يرحم أخوه