هديل عمر العربي 

 

العمر 24 سنة 

 

سكان المخيم الجديد 

 

اللي صا إنّه احنا طبعاً كنا عايشين عيشة عادي طبيعية 

 

أكلنا وشربنا والصغار مبسوطين وبلعبوا 

 

صارت الطيارة تطخ طخ علينا 

 

فآوينا حالنا في النتفة اللي قولنا الأأمن 

 

فاللي صار، إنّه ما في خمس لـ عشر دقايق 

 

تم نسف البيت علينا مباشراً 

 

لدرجة إنّه أنا كنت واقفة في حيطة 

 

إنّي بطُل على الأرض تاعتنا

 

عنا أرض واسعة كثير 

 

لقيت حالي طرت في حيطة ثانية 

 

لقيت ثيابي تمزعت 

لقيت بنتي يلي كانت جنبي، تحت الردم

 

لقيت ابن عمها، سند العربي 

 

اسم بنتي رفيف العربي

 

عمرها 4 سنوات

 

بنتي ما كانت معي 

 

كانت بتلعب في الأرض مع أعمامها وأبوها

 

ما لقيتها صراحة 

 

أنا فكرتها استشهدت 

 

أخذوها ناس من هناك وجابوها ع مستشفى شهداء الأقصى

 

تم استشهاد طبعاً 

 

عشرة أفراد من العائلة 

 

وأغلبهم إصابات 

 

أبوها اتصاوب

 

عمها الكبير تصاوب 

 

الإصابة الحرجة هي رفيف وسند العربي 

 

بيتنا كبير جداً 

 

أرض كبيرة، فيها شجر وفيها زيتون، وفيها نخيل

 

تم نسف البيت اللي فيه طابقين 

 

فالاحتلال دمّر مربع كامل

 

وليس بيت واحد 

 

برميل حُدِفَ علينا 

 

لدرجة دمّر شجر، ودمّر كل حاجة 

 

تم استشهاد عشرة أفراد 

 

منهم ثلاث أطفال لبنت حماتي

 

منهم جدي الكبير 

 

منهم خالي منهم أولاد خالي الثنين

 

يعني الاحتلال ما خلّى عيلة من عائلة العربي 

 

إلّا وأخذ فقيد منهم 

 

بنتي كانت تلعب 

 

لعب عادي طبيعي 

 

أنا شفت المنظر لحتى الآن نوم ما بعرف ايش يعني نوم 

 

المنظر فظيع، لدرجة الشجر.. الشجر ما خلوه

 

النخل ما خلوه 

 

فش مسح مسح 

 

قول أرض وكأنها بدأت من أول وجديد

 

ما خلوا حاجة 

 

ما خلوا دور ولا اشي

 

بنتي كان عندها بلاتين في إيدها الشمال 

 

حروق في وجه وإيد اليمين 

 

وشظية في إجرها

 

حتى الآن ما بتمشي يعني 

 

 

الاحتلال لا يفرق معه

 

لا طفل

 

لا كبير في السن

 

لا صغير 

 

لا شجر 

 

لا حتى حيوان

 

 نسف كل حاجة

 

ما خلالنا حاجة 

 

حتى الأطفال اتأذت منهم 

 

ايش ذنب الأطفال! 

 

أطفال!

 

بنتي من الصبح وهي بتصرخ

 

ايش ذنبها! شو عملت هي! 

 

ما عملت إشي 

 

نفسيتي تعبانة جداً 

 

لدرجة إني أنا عشت لحظة إنه بنتي استشهدت

 

وحتى الآن مش مصدقة إنها عايشة صراحة 

 

صعب جداً

 

شعور صعب جداً 

 

إنّو الاحتلال يخرج من وطننا 

 

إنّو بيكفي يعني الواحد تعب نفسياً 

 

حتى الآن يعني نفسية الأطفال

 

بنتي بس تسمع صوت صغير صارت ترتعب تصوّت 

 

يعني عمل نفسية للأطفال فظيعة 

 

مش بس للأطفال، حتى إحنا الشباب 

 

حتى لكل العالم عمل

 

أنا نفسيتي تعبت 

 

أنا اليوم بس سمعت صوت خبطة خفت

 

يعني لسا متوترين يعني

 

 تعبنا تعبنا الصراحة