بودكاست | أصوات من تحت الركام الشهادة الثالثة والخمسون (إبني طار١٢متر من قوة الضربة ووجهه محروق )
محمد عيادة حسنة
أنا عمري 34 سنة
إحنا سكان الشعف بس نازحين
أنا نازح في المخيم الجديد
في النصيرات
إحنا الأوضاع اللي صارت
يعني .. بطبيعة الحال كنا قاعدين في البيت
زينا زي أي ناس
قاعد في البيت أنا ومرتي وأولادي وحماتي
وعمي كان برا
تغدينا أكلنا لقمة
وقعدنا
حماتي راحت ع الدار اللي صار فيها الضربة
قبل ما يصير فيها الضربة
ومرتي لحقتها هي والأولاد
فش دقيقة إلا هي المرة جاية ع الدار
إجت ع الدار
ما في دقيقة
إلّا صارت ضربة في المنطقة
الزجاج تفرقع في الدار
والأمور تلخبطت في الدار
يعني أنا نصدمت من الضربة
ضربة يعني جامدة كثير كثير
المهم طلعنا بصعوبة من الدار
بتطلع نصدمت
لقيت الدار اللي نازلة اللي هي دار أبوها لحماتي
نصدمنا .. نصدمنا
طلعت لقيت حماتي الله يرحمها
لقيتها هي اللي مبينة
وطلّعوا طفل واحد
واستودعت ابني كمان شهيد
كان ابني معهم
صارت المرأة تصرخ يزن يزن
استودعته شهيد
كان في قلب الدار
فجأة قاعد بدي أطلع الأولاد بس على شقه
فجأة بتطلع لقيت الولد بنادي عليّ
من الأرض من آخر الأرض
يمكن طاير 12 متر ابني يزن
ايش ذنبه هذا الطفل الصغير
وجهه محروق كله
ايش ذنبه يطير 12 متر
ايش ذنبه
طيب أقولك في الدار
ما في كلهم مدنيين اللي في الدار
كلهم مدنيين
ايش ذنب الأطفال اللي راحت في الدار
الوضع الصحي هيّك زي ما أنت شايفة
عنده رضوض في كل جسمه
وعنده أوجاع في كل جسمه
ووجهه هاي وجهه زي ما أنت شايفة محروق
ورأسه من هون عنده غرز
وفي إصابات في إجريه
حرق فيه في إجريه وشظايا
إحنا نرجو من الله إنّه يشفيه يعني
وهو بده أمه
يعني هيو من إمبارح بدي أمي بدي أمي بدي أمي
ما بقدر أجيب أمه أنا هون
أمه الله يعينها ع الوضع اللي هي فيه