التعذيب و التفكير بالعائلة قبل التحقيق 

 

أنا قعدت ١٦ يوم في المعتقل

ما حدا قلي أنا ليش هون 

وأنت معصوب الأعين 

ما فش في دماغك إلّا التفكير

 والتفكير كله سيء بصراحة  

لأنه أنا اعتقولني في ظروف في البلد صعبة 

صرت أفكر في أهلي

 في أصدقائي في أولادي في زوجتي 

زوجتي كان موعد ولادتها 

في بداية شهر اثنين 

وأنا اعتقلوني في ستة وعشرين واحد 

وزوجتي كان يعني 

ولادتها بتكون صعبة جداً 

أنا كان عندي ولد واحد 

عمره الآن خمس سنوات ونصف 

وكان هو كل حياتي يعني 

وزوجتي نزلت مرتين 

أو مرتين في حمل 

ومرّة يعني في بداية حمل يعني يعتبر ثلاثة 

 

فلمّا حملت وثبت الحمل في المرة الثانية 

الولد الثاني يعني 

وإنّه قعدت أفكر 

هل هي ولدت 

شو صار معها 

يعني الولد الأول

قعدت عشر ساعات في الولادة 

ف صار التفكير كان أبوي وأمي 

قبل 

خمسة أكتوبر 

كانوا مسافرين قبل الحرب بيومين ع الأردن 

زيارة لعمتي 

بدهم يقعدوا كم يوم 

ويرجعوا يعني 

ف ظلوا هناك

في ظروف الحرب 

فصرت أفكر فيهم إنّه لما يعرفوا 

عائلياً احنا مالناش علاقة في أي تنظيم 

ولا أي نشاط 

ف صرت أقول يعني لما يعرفوا الخبر هذا شو بده يصير فيهم 

الشغلة جديد علينا في العيلة يعني إنّه 

نعتقل وعند اليهود 

فا أنا أفكر يعني 

 

في زوجتي وأولادي 

أمي وأبوي وأهلي وأخواني 

بعدين أفكر في الشكل العام 

وإنّه هل دخلوا رفح 

شو صار برفح 

عايشين 

ميتين 

كله تفكير 

وكله تفكير سلبي 

وأوقات أنا كانت روحي في ابني يعني 

لأنه الوحيد 

ف وأنا مغمّى هيك 

أتخيله جاي يجري عليّ 

فأنا أعمل إيديّ زي هيك 

بدي أحضنه 

فيوخذوني ع التعذيب يعني 

إنّه ليش بتتحرك 

ليش بتمدّ إيديك 

فا 

 

شبه يومي يعني 

بس ما بخالفها يعني كمشاغبة يعني

شغلة ضرورية يعني 

أنت بتكون قاعد 

وما بتتحملش بدك تتحرك 

فا بتمدّ رجليك بيوخذوك بتتعذب 

زي ما قلتلك

 ممكن أتخيل ابني جاي 

فأمد إيدي بدي أحضنه 

فيوخذوني إنّه ليش بتحرك إيدك  

ممكن تهمس مع اللي جنبك يعني 

تلاقي اللي جنبك بيبكي 

فأنت تصير تقوله معلش وإن شاء الله بنطلع وكذا 

فليش بتحكي تعال 

يوخذونا ع التحقيق 

هيك ١٦ يوم ع الحالة هذه 

وأنا 

 

بعد ١٦ يوم 

أنا بحسب الأيام طبعاً عن طريق 

إنّه وقت إيش بننام ووقت إيش بنصحى يعني 

ما بعرفش كنت إنّه وقت أيش 

الليل ولا النهار 

ولا بنعرف اشي