شهادة حسن الغول الجزء السابع (درع بشري بـ زي دكتور)
حسن كمال الغول – درع بشري – زي الدكتور
وطلع الصبح النهار
فإجوا حكوا لي تعال
وأخذوني على غرفة ثانية
وجابوا لي زي دكتور
وقال لي البس الزي هذا
واشلح الزي العسكري
والبسه عشان بدك تروح على مبنى الياسين
اللي في الإصابات اللي احنا فيه
فا بقول له ليش أنا كنت لابس زي عسكري والآن لبس دكتور
خفت بزيادة يعني
صرت كل إشي يعملوه معي يخوفني يعني
فقال لي لأنه فيه في مبنى الياسين مرضى
ما قدروا يخلوهم
لأنهم ع أجهزة التنفس الصناعي
وما بدنا يشوفوك بزي الجيش
بدنا إياهم يشوفوك بزي الطبيب
قلت له ماشي
فا بعتوني على مبنى الياسين
دخلت مبنى الياسين
الطابق الأرضي والأول والثاني والثالث
معي كانت الكاميرا نفس الإشي
بس على الطابق الأخير كان قسم العناية
ما دخلت معي الكاميرا
دخلت أنا جوا
وكان زميل إلي
فا بيعرف إني أنا معتقل
فاستغرب أنت شو كيف جيت هون
قلت له والله جيت غصبن عني وهيك
والحين مش حقدر أحكي معك كثير
الآن أنت شو وضعك
وشو وضع المرضى اللي عندك
عشان أنا بدي أرجع
الجيش أنت بتعرف مقتحم مستشفى ناصر
وهم عرفوا إنّه الجيش في مستشفى ناصر
زملائي وهيك
لأنه حكوا معهم يعني
اتجمعوا في مكان معين
وما تتحركوا وكذا
عن طريق المايكروفونات
وكان في صوت إطلاق نار
لما كانوا يشوفوا أي كاميرا
يطلقوا عليها النار
أصوات تفجير الأبواب يعني المغلقة
فقلت له
قالي أنت شايف هيهم المرضى على تنفس صناعي
وما بنقدر نطلع
فا رجعت حكيت للجيش زي هيك
فقال لي خلص
أنت مهمتك الآن انتهت هون
اقعد في نفس الغرفة
وقعدت
وكانوا قاعدين معي الحراس اللي قاعدين معي
من الأول
وطلعوا هم
جنود
وأجوا يقتحموا مبنى الياسين
يفتشوه يعني بعد أنا ما خلوني أفتح الأبواب وهيك
واتطمنوا إنّه فش حدا
وطلعوا على الأقسام كلها
وشافوا الأقسام
حسب أنا ما خرفوني بعد هيك
يعني زملائي
لأنه بعد هيك أنا ما شفت إشي
وبعد هيك راحوا على مبنى ناصر القديم
اللي كان متجمع فيه الطاقم الطبي والمصابين
واستخدموا الأطباء اللي هناك
بين المرضى وهيك
يدخلوا بينهم ويفتشوا بينهم
ويفتحوا لهم الأبواب
نفس أنا ما عملوا معي
بس من الموجودين في المبنى
ما أخذوني هناك أنا