بودكاست | أصوات من تحت الركام الشهادة الستون (قعدنا تحت الردم ست ساعات أنا وجوزي كنا بنفس الغرفة)
أنهار كمال عابد
إحنا بيتنا انقصف
من غير تحذير ولا إشي
كنت تحت الردم
قعدت ست ساعات
أنا وجوزي
كنا في نفس الغرفة
ما بعرف إيش صار
ما سمعت إلّا أصوات
وغبرة وعفش
ويعني صرت أصرخ أنا
كنت أصرخ ع جوزي
قعدت خمس ساعات وأنا أصرخ
وأصرخ حتى حد يسمعني يشوفني
ما حدا
كان الصوت عربات
صوت إسعافات
صوت ناس بتصرخ
ومش عارفة إشي
فـ تحت الردم بقول يا رب
يا رب
إذا بدك تآخذني بس خليني أشوف نظرة لأولادي
أشوف نظرة أولادي
حفروا
طلعوني أنا
جوزي ضلوا مدفون
ظلّوا
ثاني يوم طلعوه
لقوه شهيد
فأخذوني ع المستشفى
مستشفى العودة
كان وجهي حروق مليان
كان حروق
كان جسمي مشوه
رأسي ثلاثين غرزة أخذت فيه
فبعدين روحت من المستشفى على أساس
بدي أشوف أولادي اتطمن
اتطمنت عليهم
لقيت أولادي مفرقين
إشي عند الناس هيك وإشي عند ناس
ما بعرف يعني إيش صار
يعني بعد يومين لمّا لقيت أولادي
لمّا لقيت أولادي
لممتهم مع بعض
أنا أخذت أولادي ونزحت ع خانيونس
نزحت ع خانيونس قعدت في مدرسة في الخالدية
قعدت ثلاث شهور
لما إجت اليهود
قسرياً طلعتنا
من غير ما يعطونا إشي
خلّوا ملابسنا
خلّوا كل حاجة
طلعنا ولا حاجة معنا
رمونا وين؟
عند المواصي
يعني لا بطانية ولا أواعي
ولا حتى الله يعزّك بدي ألبس في إجري ما قبلوا يعطوني
طلعنا حافيين
خلونا خمس ساعات
رافعين إيدينا
رافعين إيدينا في الساحة في الشمس
الحين لما وقفونا خمس ساعات اليهود
وقفونا
صارت المرأة يا ويلي إيش تحكيلهم
بدي أواعيي
وأنا أقول لهم بدي بس ألبس في إجري
أولاد صغار وشمس وشوب
صاروا يلقبونا في ألفاظ وسخة
يعني ألفاظ في العربي يحكوا معنا
ألفاظ ما بعرف إيش بدي أتكلم
حكوا كلام كثير
وشلحوا الشباب قدامنا يعني
إحنا نساء واقفين
وكانوا يشلحوا إشي مشلح كله
وإشي في الملابس الداخلية
وطلعونا ع مواصي خانيونس
لما طلعنا
اليهود طلعونا ع المواصي
ما أخذنا ولا حاجة
قعدنا ع البحر ولا حاجة
شافتنا مرأة وأعطتنا بطانية
قعدت أنا وأولادي ع البحر
ولا حاجة معنا
لا أواعي ولا حاجة
ولا حاجة
قعدنا يومين
بعد يومين
فجينا ع المخيم هون
مخيم البركة للأيتام
الحمد لله