بودكاست | أصوات من تحت الركام الشهادة السادسة والأربعون(عندي ريش تكسروا من كثر الضرب)
رأفت سعدي حسان
نازح من المغراقة
العمر:٣٧ سنة
المغراقة
كنا في إلي أخ الله يرحمه محمد سعدي حسّان
استشهد في المغراقة
كان بيطلع في الشهداء
من كثر ما بيطلع فيهم اليهود قصفوه
ع الكارّة
الكارّة وحمار
كان يطلعهم ويوديهم ع النصيرات
فعلقّت الكارّة ع الجسر
وظل إيش يسحب فيها لمّا قصفوه اليهود
هو وكمان واحد من دار التتر
استشهدوا التنين مع بعض
وأخذته ووديته ع العودة
ومن العودة
عملوله إجراءات وهذا ودفنته وروحت
يعني قول روحت المغرب من المستشفى
ورحت على وين
ع الماليزية
ع المدرسة الماليزية
قعدت فيها عشان آخذ أهلي وأطلع وين؟
ع الدير آجي
ثاني يوم إلّا هم اليهود خشّوا علينا
اعتقلوا كل اللي في المدرسة
ما خلّوا ولا واحد
وأنا من ضمنهم
وإلي أخ لحد الآن محبوس
موجود يعني حتى الآن
مش عارفين عنه ولا حاجة
وأنا قعدت أربعة أيام
وعندي ريش اتكسروا من كثر الضرب
عذبوني عذاب جامد
طبّوا فينا تكسير
عندي الريش طلعت مكسرين
يعني أولها ضرب
بعدين حطونا في مكان مربطين هدول إيديّ ورموا
مدني مليش ولا في حاجة
فطبّوا فينا قتل
بعد ما طلعت بعد أربع أيام من عند اليهود
طلعت لقيت الولد مع سته
سألتها عن أمه
قالت استشهدت في قلب الدار
لما راحت تجيب أغراض إلها
وظل الولد معها
هلقيت الولد عنده مشكلة
عمره ثلث سنين
مالك رأفت حسّان
إجاني بعد ١١ سنة هذا
عنده مشكلة في العصب
بيقدرش يِخرِج
فتحوله فتحة ع الجنب
عشان يقدر يِخرِج
والعملية ما نجحت
هاي ثالث مرة يعملوا له إياها ومش ناجحة
فبدنا نعمله تحويلة عشان نطلعه برا
فبدي أعمله تحويلة عشان أطلعه برا يعملوله إياها العملية
زراعة من أول وجديد ويصير يِخرِج
والولد تصير أموره كويسة
مش عارف ايش بدي أسوي معه
مطالبي إنّي أسفره برا أول اشي
وأجبله يعني رعاية صحية يكون عايش فيها الولد منيح
ووضعه كويس
إنت عارف قاعدين في خيمة
والوضع صعب والله
