بودكاست | أصوات من تحت الركام الشهادة الثانية والخمسون (إبني انكتبله عمر جديد)
مها محمود كمال السوافير
غزه الجلاء
اسمه محمد السوافيري
والله ابني كان معه سيارة
كان يشتغل ع الخط
ففي شباب اثنين
حكوله خذنا طلب على الزهراء
في هناك شاليه
شاليه القصاص
فحكالهم لأ
الطريق خوف
وفش حد بيروح هناك وهيك
حكوله لأ الطريق مأمنة
والناس بتروح وبتيجي
فخلص ابني راح معهم
ودخلوا الشالية
وانضرب الشاليه
فكان معه اثنين شباب
إلي هم
يزن العجل
وخضر الجليس
هدول الشباب اللي كانوا معه
الاثنين الشباب استشهدوا
وابني انكتب له عمر جديد
فصار عنده كسر في الجمجمة
يعني أربعين غرزة
وعنده شظايا في الكبد والأمعاء
واستأصلوا منها
وبلاتين في إجره
بعدين ابني ما صحيش ع حاله
فكاين جاي واحد معه كارّة هيك بحصان
ماخده مسعفه
موديه ع مستشفى العودة في النصيرات
وأنا في البيت هون كنت فاقداه يعني
كان في غيبوبة ابني
قعد أسبوع في غيبوبة
وأنا أدور عليه وأتصل وهون وهون
مش عارفة أخبار بالمرّه عنه
فلمّا حد ما صحصح من الغيبوبة
واتصلوا علينا
وإجيت ع المستشفى وشفته
وكان حالته يعني فوق الخطيرة
و الحمد لله
ربنا نجّاه الحمد لله
بس والله بيعاني حالياً
يعني بيعاني من البلاتين اللي في إجره
كل يوم بيغير تحت العمليّة
بنج كامل
ولحد الآن والله
والله أنا يعني أهم اشي أهم اشي
بدي إياه يتعافى ويتعالج
ويعني ويسرعوا له ويعجلوا له في التحويلة
لأنه الدكتور حكالي
إجره بدها تجميل
بدها بلاتين داخلي
وهنا في غزة مش متوفر
فبتمنى يعني بتمنى إنّه
يطلع برا ويتعالج ويتشافى
ويرجع زي أول إن شاء الله يا رب
